Ka Super Division Football League Tournament 2022 wa pynman da ka West Jaiñtia District Sports Association (WJDSA) kawa tip leh kam ka U Kiang Nangbah Memorial Trophy dapoi ko cha ka yalehke wa arphaw le.
Ka yalehke wa da pynman ynne ka sngi toh hapyrdi ka 7Wasa waka Nangbah Mulang kawa da jop da ka 7Wasa da 3-1.
Ka 7Wasa da thap ko ar kool ha ka kylla step lyngba u Nymphang Sumer ha ka minit wa 14 wa 45+2. Ka Nangbah Mulang da su ko chi kool ha ka kylla miet heipor 72 minit tangwa ka 7Wasa da pyntam ko sa chi kool ha ka minit wa 85 lyngba u Dashngain Sukhlain.
Mynstep ka yalehke u man ko hapyrdi ka Shangpung Lumiawmushai waka Sohmynting heipor 2:45 i sngi.
