Ka Super Division Football League Tournament 2022 wa pynman da ka West Jaiñtia District Sports Association (WJDSA) kawa tip leh kam ka U Kiang Nangbah Memorial Trophy da sdang ya ka yalehke Semi Final wa nyngkong ynne ka sngi.
Ka yalehke wa da pynman toh hapyrdi ka Ladthadlaboh waka 7Wasa kawa da jop da ka Ladthadlaboh da 1-0.
Ka yalehke hadooh wa kut ka kylla step waka kylla miet ym em wa yoh u thap kool tangwa ha ka Extra Time ha ka minit wa 92, ka Ladthadlaboh lyngba u Edious Laloo da yoh ko ya ka kool wa jop.
Ini mut wa ka Ladthadlaboh da psiah ko cha ka Final tangwa ka 7Wasa dang yoh laad ko neibhah ya ka Semi Final toh kawa pynman le tylli heiwa mynstep ka Mynthong daw yachem ko waka Nangbahmulang heipor 2:30 i sngi.
Kiwa jop na kani ka Semi Final wa ar daw yachem ki waka 7Wasa yow jied ya kiwa psiah Final.
