Kiwa chong chnong ki le tylli ki chnong wa em ha ka Buldhana District ka Maharashtra, da kulmar ki hadien wa haap u sniooh ki wei da syllen ki syndet syndet du hapoh kattu katni sngi donhi.
Ki bor District da suba ki wa ini toh neidaw ka um deilang ki jait sboh wa da pynemkaam wa da wanrah yeini waroh wei da chim ki leh ya ka um yow phah Test ka deilang u sniooh ki bru.
Kini ki le tylli ki chnong toh ka Borgaon, Kalwad wa Hingna wa em hapoh ka Shegaon tehsil ka Buldhana District heiwa kiwa chong chnong kynthai wa chynrang hadooh ki khynnah da sdang u haap u sniooh ki ha kini ki sngi wa da lai iwa da jia hapoh chi tayaaw.
Hawa lai kiwa thoh khubor, kiwa chong chnong da pynyoo ki wa hadooh katwon suk u phut ya u sñiooh na khlieh ki wei da em leh kiwa da sdang wow syllen hapoh chi tayaaw.
Ini waroh da pynhær rngu i ya kiwa chong chnong iwa da pynbor ya ki bor District wow lai hiar ki cha kini ki chnong.
Katkam wa pyntip da ka chnat i chait i khiah, da em 50 ngut kiwa da chah ktah na ini wei ki Doctor da ong ki wa ye u em boon chooh kiwa chah ktah wei da yaleh ki katwa ye yow chem yei daw wa jia ini.
Da ong ki leh wa kat wym pu pyndep ya ka Test ym pu ye u ong deiwa tikna yei daw wa jia ini tangwa da suba joor wa leh ka um neibhah da chem wa ha i snieh khlieh ki bru da em i Fungal Infection iwa da wanrah yeini waroh.
Discussion about this post