theme-sticky-logo-alt
theme-logo-alt
Advertisement ad1

T. 5000 u e ka sorkar cha ki Quarantine Centre wa da pynkhreh da ki chnong: Conrad

Shillong: Ka jylla Meghalaya da rai ko wow e yarap kawa chisien donhi (One-time grant) wa T. 5,000 cha ki Community Quarantine Centre kiwa da pynkhreh da ka chnong ka thaw yow yarap yada nei poor u COVID-19 hapoh ka jylla.

Ya ini da pynbna da u Chief Minister u Conrad K Sangma hawa jubab u yaka Zero Hour Notice wa wanrah da u MLA ka Congress na Nongpoh u Mayralborn Syiem ynne ka sngi haka dorbar mang poisa.

“T. 5,000 toh kawa daw e cha ki Community Quarantine Centre kiwa krehkaam naka Chief Minister’s Relief Fund (CMRF),” da ong u Conrad.

Kam wow pynkynmoo wa da boon ki chnong kiwa da pynkhreh yaki Community Quarantine Centres yow pynchong kset ya kitu kiwa liwan chapoh ka jylla.

Kini toh nalor ki 27 tylli ki Corona Care wa Quarantine Centre yong ka sorkar kiwa em 1,000 tylli ki thaw thiah.

U Conrad da ong u leh wa daw pynbiang yaki marbaam wa kiwi ki mar wa emkaam kiwa tip kam ki Free Provision Kits cha kiwa leh Quarantine.

Advertisement ad1
Share this:
Previous

Khang ka sorkar ya ki wakreh yong ka wow ksoh kaam haki seiñ

Next

Daw yaklam chwa wa waroh ki MLA chwa wow khate 50% ka tulop da ong u Speaker