U G Kishan Reddy, u Montri ka Development of North Eastern Region (DoNER), Culture & Tourism da wan u cha Meghalaya wa Assam. Wei kam chibynta ini, da lai klam u ha ka yalang Business Summit hajrong ka phang ‘National Mission on Edible Oils- Oil Palm Business Summit for NE States (NMEO-OP)’ wa pynman ha Guwahati, Assam deiwa emlang u Montri ka Agriculture Farmers & Welfare, u Narendra Singh Tomar, u Montri khynnah ka DoNER, u B.L Verma, ka Montri khynnah, ka Shobha Karandlaje, u Montri khynnah, u Shri Kailash Choudhary wa u Montri Rangbah ka Arunachal Pradesh, u Pema Khandu.
U G Kishan Reddy hei klam yong oo da ong u, “Ini i thong ka NMEO-OP hapoh ki jylla Northeast daw yarap bha ko ya ki warep dieñ Satlai namo ki Oil Palm Farmer wei daw wanrah ko chiboon i yoh kreh wei daw pynduna ko leh yei emkaam wow wanrah i phñiang baam na baar ri”. “Ki ar tylli ki rai wa da chim da ka Cabinet kitæ ka National Mission on Edible Oils for Oil Palm wei wow pynim biang ya ka North Eastern Regional Agricultural Marketing Corporation (NERAMAC) daw yarap bha ko ya ki warep ka thaaiñ Northeast”.
Ha kani ka Business Summit, da soi ya ka dorkhat Memorandum of Understanding neibynta ka Bamboo FPO Agreement on Edible Oils- Oil Palm for North Eastern States. U Reddy da ban joor u wa ka sorkar pyrdi emlang ko chirup wa ki jylla ka Northeast wei man ko leh kawa neibynta ki warep. “I thmu ka Mission on Edible Oils toh wow pynheh yei rep ya u dieñ Satlai na ka 3.5 lak Hectare cha ka 10 lak Hectare ha waroh kawi ka India ha ki 5 snem wow wan. 50% na kini ki thaw rep toh wa da booh neibynta ka thaaiñ Northeast. Na ka mang poisa ka Scheme wa T. 11,040 klur, kamwa T. 6,000 klur daw lait bait ko cha ki warep ki jylla ka Northeast”.
