U Montri ka jylla wa pait ya ki khloo ki kjam hawa kylli heiyatoh wa i pynbna kyrpang ka sorkar pyrdi wow rep ya u dieñ Satlai lyngba ka National Mission on Edible Oils- Oil Palm Scheme hapoh ka thaaiñ Northeast heiwa da mih leh i pyrchah yeini, da ong u wa oo deilang wa u Montri Rangbah da klam che ki wa lada em iwon iwon i thmu wow wanrah yei jiat thung wa thymme hapoh ka jylla daw pait bniah chwa ya ini.
Da ong u leh wa i rai u chim du hadien wa da dep ya syllok wa ki bru wa tip bniah, wa chemphang ha ini i kaam yow tip yei ktah i rep ya uni u dieñ wei kamwa man kattæ ym pu em chim ya kawon kawon ka rai wei ym pu em hi leh chong yaklam hajrong ini i kaam wei daw leh yeini ym slem de.
Kam wow pynkynmoo ka MP ka Tura, ka Agatha Sangma da dep ko wow thoh cha u Prime Minister yow pyrchah ya ini i thmu wow rep dieñ Satlai heiwa u James Sangma da ong u wa daw thoh cha ka sorkar pyrdi yow pyrchah ya ini katwa u Montri Rangbah, u Conrad Sangma da ong u ye wow lai chakhmat lada yoh yei kyrchaan na ki paidbah.
Ha ka Dorbar ka sorkar jylla ini wa dep, u James da ong u wa em 3,90,000 Hectare ki thaw wa sah chrah hapoh ka jylla kiwa ye u pynemkaam lada kwah wow rep ya uni u dieñ wa pynmih phñiang baam tangwa ka sorkar ympu em chim ko ya iwon iwon i rai.
Puræ leh: Em 3,90,000 Hectare i thaw wa sah chrah hapoh ka jylla: James Sangma
Puræ leh: Pyrchah ka Agatha Sangma yei thmu ka sorkar wow thung ya ki dieñ pynmih phñiang baam
Puræ leh: Daw lai chaphrang wa i rep dieñ Satlai lada ym ktah i ya ki paidbah: Conrad
