theme-sticky-logo-alt
theme-logo-alt

T. 8 lak kular u Sñiawbhalang Dhar yaka Dongwah Sohmynting 

U Sñiawbhalang Dhar, Montri ka sorkar jylla ynne ka sngi da kular u wow e yarap T. 8 lak yaka Dongwah Sohmynting, West Jaiñtia Hills khnang yow ye ka dong u pynphet pynphaar yei emkaam yong ka iwa yatoh waka imlang sahlang.

Ong u wa kani ka 8 lak ye u man wym pu dap ko ya waroh i emkaam yong ka dong, kamtæ yeiwa dang sah daw pait won u hadien chirup i krehlang u MLA u Wailadmiki Shylla.

Heijooh i por khut u i ya krehlang yong ki paidbah neibynta u ye wanrah chooh chooh i roi i paar haka dong ka chnong waka imlang sahlang waroh kawi.  

Yeini da klam u hawa wan wai yaka yaw yadai ya thied namo ka Fete ka Dongwah, wa da emlang u CEM ka JHADC, u Thombor Shiwat ki sahep sorkar naki chnat krehkaam waphær waphær, ki paidbah wa kiwi.

I emkaam waka Dongwah Sohmynting da pynsñiaw ko toh yow chna pyndep yaka yung Hall ka dong, neite ka Dressing Room/Gallery ha madan Mooknor, ka top um, ka paikhana wa i kær chram ya ka Dongwah L.P. School.

Hei janmiet yong kani ka sngi won da wan sakhi sa u MLA ka thaaiñ u Wailadmiki Shylla, u MDC ka thaaiñ u Lakhon Dkhar wa kiwi.

Neiliang ka Dongwah Sohmynting leh e ko i sñiawngooh wa khroo ya kini kiwa mihkhmat yei sbun mynsien yong ki u e yarap neibynta i myntoi ka dong ka chnong.

Ha kani ka sngi da pynman leh ya ka yalehbol kam chibynta kani ka Fete.

Share this:
Previous

Yoh kem ki pulit ka Assam ya ki Rifle wa boon jait wa ki kuli

Next

Ka ktien Hindi kawa emkaam hadooh Class-X, tangwa ym mut wow pyndooh ya ka ktien yong i