Thaap u pulit ya uwi uwa pait Phone hawa kaap sarok, beiñ wei yaroh ki paidbah

Ha iwi i Video wa da yoh u riñ da ka CCTV heiwa uwi u pulit wa lai luti da ka thuk-thuk da thaap u slam ya uwi u khynroo wa kaap chiliang ya u sarok deiwa pait ya ka Mobile Phone wa ksoh u ha kti, da poor bha i heiwa da beiñ ki paidbah yeini wei da em leh kiwa yaroh ya ini wa jia.

Ini toh iwa da jia ha Nallampalayam-Sanganoor Road ka chnong Coimbatore, Tamil Nadu ha ka 12 tarik uni u bnai heiwa uni u khynroo da khyrngiat u kruit wei da chong kynrong u hapyrdi sarok hadien wa chah thaap u neidaw wa da joor wa kjut.

Uni u khynroo da tip kam u Mohanraj uwa na Chinnavedampatti uwa kreh ha kawi ka Company wa em ha Nallampalayam wei uni u pulit uwa man kam u Head Constable da tip kam u Jayaprakash uwa kreh ha ka Kavundampalayam Police Station.

Ki paidbah da beiñ ki ya uni u pulit deiwa ong wa toh u sneiñ u ya uni u khynroo wei ym em hok u wow thaap oo.

Related posts

Ka patok man ko ka skurbah ong ka KSU hadien wa yoh jamin waroh ki dkhot ka seiñ

October 30, 2026

Kyntait u SP ka East Jaiñtia Hills yeiwa mih khubor wa em 5 ngut kiwa yap nei pdung ka krem mooyong

October 30, 2026

Da em leh kiwa da kdaw wa uni pulit tang ka Helmet leh ym em sap u wei oo leh da tyngkheiñ aiñ u.

Em leh kiwa da yaroh ya uni u pulit deiwa ong wa em boon ki bru wa yap du neidaw wa pait Phone ki hawa lai wa wan ki.

Hadien wa poor ini i Video, ki heh pulit da phah hajir ki ya uni u Head Constable wei ka takit dang lai ko.