Shillong: Ka Meghalaya Cabinet ynne ka sngi da mynjur ko wow pynkylla yaka aiñ Indian Stamp Act 1899, ka wow booh dor yaka bai Register ya ki Mining Lease.
Hawa pyntip cha ki laad pathai khubor, u montri wa pait yaka Taxation, u James Sangma da ong u wa boon kiwa yaleh wow yoh Mining Lease hapoh ka Meghalaya toh kiwa khih mooyong khian wei ym ye ki wow su da i dor wa syad ki Stamp Duty wei daw wanrah ko leh yei leh tooh.
Katkam iwa da pynkylla, hawa e yaka Lease wa palat chi snem kawa ym palat 10 snem i dor u man i T. 1 ya kawi pa kawi ka T. 100 deiwa kheiñ ya yonglang (Average) ka Royalty wa su chisnem kawa boon dooh wa tih mar pohkhyndaw katkam ka Mining Plan wa da mynjur.
Yaka Lease won kawa palat 10 snem ka wym palat 20 snem, i dor u man i T. 2 ya kawi pa kawi ka T. 100 deiwa kheiñ kamjooh hi, T. 3 ya kawi pa kawi ka T. 100 yaki Mining Lease wa 20 snem tangwa ym palat 30 snem. Ya kiwa palat 30 snem won hap su T. 4.
U James da pyntip u leh wa nadooh wa pynkrehkaam yaka Meghalaya Minor Minerals Rules, 2018 da em boon kiwa yaleh wow yoh Mining Lease yaki mar poh khyndaw wa em hapoh ka kyrdan Minor Minerals kiwa kynthup ya u moochuni wa kiwi kiwi.
Discussion about this post