Thoh u Vincent cha u Modi wow pynkhlan ya i khayi lyngba ka Dawki LCS

U MP ka Shillong, u Vincent H Pala da thoh u cha u montri rangbahdooh ka ri, u Narendra Modi hajrong wow chah biang wow wanrah ya ki dakha cha jylla na Bangladesh lyngba ka Dawki Land Custom Station.

U Vincent da ong u wa ha kini ki snem wa dadep da sdang ku bha i khayi wa ka Bangladesh lynga ka Dawki LCS Port kawa man kawi na ki yaw rim dooh ha ka ri.

Da ong u wa i khayi pateiñ hapyrdi kini ki ar ri lyngba ka Dawki daw ku bha i khamtam heiyatoh wa ki dakha wei katni ya ki dakha da khayi lyngba ka Agartala LCS, Sutarkandi LCS wa Ragnabazar LCS.

Chooh chooh da pynsñiaw u yei emkaam wow sylli ya ki dakha wa wanrah na Bangladesh heiwa da emkaam ya ka Veterinary Department ka jylla wow booh ko ya ka Transit Office ha Dawki LCS wow leh yeiwa emkaam heiyatoh wa ki dakha wa kiwi ki jait mrad wa wanrah na Bangladesh katkam ki kyndon ka sorkar pyrdi.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Vincent da ong u leh wa da emkaam wow wanrah leh ya ki mrad (Livestock) lyngba ka Dawki LCS neibhah katkam wa man katni da chah yeini du na Arartala LCS.

Heiyatoh wa i wanrah ya ki dakha na Bangladesh, u Vincent da ong u wa ini ym du u pyndap i yei emkaam dakha ha Meghalaya wa Assam tangwa daw yarap i leh wow yoh khih yoh kreh ki bru.