Jowai: U President ka India da pyntip u wa da thung ya u R.N. Ravi, u Governor ka Nagaland yow man u leh kam u Governor ka Meghalaya, ha i por wa chim chuti (Absence on leave) u Tathagata Roy, Governor ka Meghalaya.
Ini da wan i hadien wa mih boon i pyrchah ya u Roy nadooh i pynslem u wow e yaka muhor yaka Ordinance ka MRSSA ka sorkar jylla, i pynsñiaw u yei kyrchaan u yaka CAB wa i ong u ha Twitter wa ya kiwa ym sñiaw yahap yaka synchaar paidbah kawa em bait i wym ya sñiawthooh, ye ki wow lai cha North Korea iwa da wanrah yei dawa yei kyrriah noh ya oo kam u Lat ka jylla na kiwa boon ki seiñbhalang hadooh ka BJP Meghalaya leh ym em mynjur ko ya ini i ong u Roy.
Ha kani ka tayaw wa da dep da em leh ki phaw ngut kiwa mynsoo ki paidbah nei lai toor ki cha yung u Lat yow dawa ILP wei wow mynjur u yaka Ordinance.
U Ravi u baam smai u mynstep ka 17 tarik ha Raj Bhavan, Shillong heipor 12:00 waje pyrdi sngi.
Also Read: Mynsoo palat 40 ngut ki paidbah waki pulit na i lai toor cha yung u Lat wow dawa ILP
Discussion about this post