U President ka Hynniewtrep Youth Council (HYC), u Roykupar Synrem da pynsñiaw u yei sñiawkhia yei roi i drugs iwa da pynman ya kiwa dih wow leh ya ki kaam tooh yow ye u thied drugs.
Hawa klam ynne ka sngi hadien wa da ya syllok waka DGP ka jylla, u President ka HYC da ong u wa da em iwi wa jia wa uwi u khynnah wa dang 17 snem i rta da tooh u yei ksiar na yung wa chongdor kamwa Rs.30,000 hadooh Rs.40,000 yow thied yei drugs wa chongdor Rs.3000 hadooh Rs. 5000 tangwa deiwa tuklar ka seiñ da yoh biang yei ksiar.
Da ong u wa kiwa dih drugs yow yoh u thied da tooh ki da ki tiar ki tar na ki yung bru, ya ki tiar kari leh, tangwa da maham u ya kitu kiwa thied ya kam kitai ki tiar tooh wa daw ngat ki ha ka kyndon IPC.
Ka seiñ da yoh ko leh yei kular na ka DGP wow ya krehlang waka seiñ yow yakhun pyrchah yei drugs.
Discussion about this post