Ki chipai ka Assam Rifles hapoh i pyrtuid ka HQ IGAR (South) deilang wa ki pulit ka Maphou Police Station, Manipur da chem wei da tympra ki yaka thaw chna drug wa em haka thaaiñ Kamu Saichang, Thoubal District wei da yoh kem ya i drug wa chongdor T. 120 Klur, da pyntip ka IGAR (South).
Ya kani ka karkhana chna drug da pynemkaam wow pynmih Morphine na u Opium uwa da pynklla won cha i drug Brown Sugar wa Heroin da pyntip chooh chooh.
Da yoh kem kamwa 29 kg i Heroin Brown Sugar (Solid), 20 litre i Brown Sugar (Liquid), 8 kg u Marijuana wa ki tiar ki tar wa pynemkaam wow chna drug.
Ya ini i drug manda dep chna, da pynlai yaw cha ka jylla Manipur wa Nagaland.
Da kem leh ya kawi ka kynthai kawa pyrtuid ka Elizabeth Khongshai tangwa ki tre i yung wa pynemkaam wow chna ya kini ki drug dang yut ki.
Hawa kheiñdor ya i drug wa yoh kem da antad wa chongdor i T. 120 klur wei da ekit ya kawa chah kem cha ka Maphu Dam Police Station yow pynman yaka takit.
Discussion about this post