Kawi ka manbei kawa na ka chong Garobadha, West Garo Hills da leh ko yei kaam wym ye mutdur deiwa tynyap syndon pyn ya ka khon khian ko wei dep te tlep ko hei thlu wa da tih pyn ha pchem yung.
Ini da jia i hei step ka 1 tarik uni u bnai heipor wa u pa wa u payu ini i khynnah ym em ki ha yung heiwa kani ka manbei kawa tip kam ka Hema Malini Koch (36 snem) da leh ko ya ini i kaam katwa u kurim ko dang lai khwe dakha u ha ka wah wa em hajan wei u khon waheh ki dang em u cha yung kiwa emyatoh.
Manda liwan u pa cha yung, ym chem de u ya ka khon u heiwa nyngkong da pyrkhat u boi dang lai skur ko tangwa da yoo u ya iwi i thaw ha pchem yung wa da yoo lakam wa em wa dang dep tih jhan wei i wym em yillu.
Manda sdang u wow khloh ya ini i khyndaw da khyrngiat u wow chem yei metyap ka khon u.
Ki pulit da wan ki wow sai yei metyap deiwa emlang u Magistrate wei da yoo ki leh yeiwa leh kani ka manbei kawa da ah hadooh wa tkut i khlieh na u rdang.
Ya kani ka manbei da kem da ki pulit tangwa ym bien ko wow yaklam næ wow jubab ya iyi iyi wa kylli ki pulit.
Ki pulit dang pait ki boi ye u man wa em i ngait biej næ iwa jia pyn hapoh ka yung ka sem iwa da poi chadooh ini wa jia.
Discussion about this post