I pynkhreh ya ka lehkmen Christmas ha chnong Jowai da man ko kawa chongchit wei kawa yoo phooh yoo phieñ heiwa ki yung ki sem da man ki kiwa da pynriam da ki khrik-khrak wa harukom, wei ki dong ki chnong leh toh kiwa da tyrchaaiñ da ki khrik-khrak nadooh ki yung krehkaam sorkar deilang ki yungmane.
Ki chaad Christmas Carol dei miet toh kiwa da sdang nadooh ki sngi wa dadep heiwa ki kari wa kit ya ki tanghæng da tem ki ya ki sur Christmas deiwa boonlang ki paidbah kiwa rwai wei chaadlang.
Ki luti ki syngkieñ leh toh kiwa dap da ki bru waroh chi miet kiwa da lai pait yei pynriam khrik-khrak khamtam ha Chutwakhu kawa da pynriam ya ki luti ki syngkieñ iwa man leh kam chibynta i lehkmen yei dap 100 snem ka chnong.
Kiwi ki thaw wa miat i pynriam toh ka Lumpariat, Mookyrdup, Khimusniang, Mynthong, Pohskur wa kiwi de.
Discussion about this post