Tyrwa ka MDA da u Metbah katwa ka Congress da u Winnerson ya ka chuki Lamphang

Shillong: Ka dhab ka sorkar ka Meghalaya Democratic Alliance (MDA) da pynskem ko ya i pyrtuid u Metbah Lyngdoh na ka UDP wow man u kyrtong wow yakhun ya ka chuki kam u Lamphang ha ka yung dorbar chna aiñ ka jylla wei yeini i rai da chim hadien ka yalang ka MDA ynne ka sngi.

I mynjur ka MDA wow e biang ha ka UDP mih i hadien wa ka dhab hapoh yong ka (United Progressive Front) wa tyrwa da u bru yong ka hi.

Neiliang u Conrad K Sangma uwa man leh u Chairman ka MDA, da ong u wa da mynjur yei pyrtuid u  Metbah.

Kamjooh leh neiliang u Prestone Tynsong da pynsñiaw u kamwa da klam hi u Conrad.

Heijooh i por u Metbah da ong u wa daw pdiang sñiawbha u yeini i rai ka MDA.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Da ini i rai u Metbah manda chimkti u ya ka chuki kam u lamphang daw lait noh ka chuki montri yong oo ha ka chnat wa da ksoh u.

Kamwa joor i yaknieh ya kani ka jooh ka chuki, neiliang ka Congress leh da pynkhreh ko wow tyrwa ya i pyrtuid u MLA yong ka, u Winnerson Sangma wow yakhun ya kani hi ka jooh ka chuki.

Kam wow pynkynmoo wa u Winnerson da yakhun u yaka chuki Lamphang pyrchah ya u Dr. Donkupar Roy tangwa da rem noh u.