Ka sorkar Meghalaya da pynkhreh ko yei tyrwa kamjooh i pynap pynsñiaw cha ki skur LP wa UP School yow wanrah ya ka Subject Khasi wa Garo ha waroh ki skur ka Meghalaya katkam wa thmu ka National Education Policy, 2020 yow wanrah ya ki jait ktien neibynta wow pynstat wei wow yatylli ka jylla.
Neiliang ka sorkar da thmu ko wow pynman Compulsory Subject ya ka Khasi wa Garo hadooh ka Class-IV ha waroh kawi ka jylla yow tip u puræ ya kini ki ar jait ktien.
Da yooluti wa deiwa leh kamni daw ye u ya sñiawthooh uwi ya uwi wei yow man kam ki nong Meghalaya kiwa yatylli wei wow tip u burom uwi ya uwi.
Heiyatoh won wow hikai ya kini ki Subject da ong wa neidaw wa ka ktien Khasi wa Garo da pynemkaam da ki dak wa ya sariem, kiwa hikai Khasi næ Garo ye ki wow leh yeini neibhah wow thung ya kiwa sikai ha ki 9,665 tylli ki Primary School wa em hapoh ka jylla toh iwa eh. Kamtæ daw pynkhreh ya ka kot wa suk u leh yeini.
Da antaad leh wym dam u em kiwa daw pyrchah yeini neibhah wa daw pynkhia kaam ko ya ki khynnah wei ye leh u em kiwa daw ong wym myntoi ini tangwa da chem wa deiwa tip u klam ya kiwa boon ki ktien da yarap bha ko yei stat ki khynnah.
Discussion about this post