• About Us
  • Contact Us
  • Privacy Policy
  • Advertise With Us
  • Terms & Conditions
Thursday, October 30, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Advertisement Advertisement Advertisement
Home News

U bahkhlieh ka Indian Army yei puræ puthi u khynnah wa wan e baam ya ki chipai heipor ka Operation Sindoor

Wyrta Staff by Wyrta Staff
July 20, 2025
Reading Time: 3 mins read
A A
0
Share on FacebookShare on Twitter

Ka Western Command ka Indian Army da pynbna ko wow bahkhlieh yei puræ puthi u khynnah wa dang 10 snem uwa yarap wow wan e baam e cha ya ki chipai heipor wa joor ka yasiat ha kawi ka chnong wa em ha Punjab hawa krehkaam ka Operation Sindoor.

Uni u khynnah wa tip kam u Shvan Singh da yarap u ya ki chipai wa em ha ka chnong Tara Wali heiwa da wanrah um, cha, dud wa i lassi cha kini ki chipai heipor wa dang yasiat ki wa ki chipai ka Pakistan.

Ha ka yalang wa da pynman ha Ferozepur Cantonment, neiliang u Lieutenant Genral, u Manoj Kumar Katiyar uwa man kam u General Officer Commanding-in-Chief ka Western Command, da pynkup burom u ya uni u khynnah deiwa khana leh yei sñiaw yajan ki chipai wa ki bru ka Punjab wei em leh katæ ka kitkhlieh, kamtæ ka Golden Arrow Division ka Indian Army da rai ko wow kyrchaan ya u Shvan yei puræ puthi u.

Ha kani ka yalang da pynkup burom leh ya u Shvan heiwa neiliang u Lt. Gen. Manoj Kumar Katiyar da ong u leh wa em ki bru wa chlur mynsien kiwa leh yei kaam wym em wa yoo wa tip wei ya kini leh emkaam wow yoh ki yei tipmit.

Related posts

Chem metyap yong uwa da heh rta na i yung wym em de wa sah

October 30, 2025

Mynstep u chim rai ka MCTODA lada u lai chei khut yaklam u DC ka East Jaiñtia Hills

October 30, 2025

U Shvan uwa na ka thaaiñ Mamdot wa em hapoh ka Ferozepur District, da ong u wa kwah u wow man chipai manda heh u yow chkari ya ka ri.

Neiliang u pa u da ong u wa da sñiaw sarong u ya u khon u wei ki chipai leh maya bha ki ya oo wei da lai e baam lai e yarap u ya ki chipai khlem da em wa phah ya oo wei da pyntip u leh wa u khon u toh uwa dang chong Class-IV kattæ.

I chnong Tara Wali toh iwa jngai kamwa 2 Km na u pood wa ka Pakistan.

ShareTweetSendShare
Previous Post

E khublei Behdieñkhlam ka JYF-EJH ya ki khon ki hajar ka Raij Tuber

Next Post

E khublei Behdieñkhlam ka Synjuk Waheh Chnong Ri Jaiñtia

Related Posts

News

Chem metyap yong uwa da heh rta na i yung wym em de wa sah

October 30, 2025
News

Mynstep u chim rai ka MCTODA lada u lai chei khut yaklam u DC ka East Jaiñtia Hills

October 30, 2025
News

Sdang ka tamasa pynuiñ jhep hakhmat yung ki bru wa lai noh kat chawa yoh ha Bengaluru

October 30, 2025
News

Ka Lapangap dadep tipmit wei pynskem da ka JHADC da slem | Khyrngiat ya iwa jia katni: CEM

October 30, 2025
Next Post

E khublei Behdieñkhlam ka Synjuk Waheh Chnong Ri Jaiñtia

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar