U Montri Rangbah ka jylla, uwa man leh u Chairman ka sorkar Meghalaya Democratic Alliance (MDA) u Conrad K Sangma ynne ka sngi da beiñ joor u ya u President ka Bharatiya Janata Party (BJP) Meghalaya, u Ernest Mawrie deiwa ong, “U bru wa pynbaad katni ya ka sorkar ym em u heipor wa yaklam chna sorkar ka NPP-BJP wa ka MDA, wei toh u sñiawnthooh u wa ymye wow pynbaad kulmar dohni”.
U Conrad da ong u leh wa kam uwa yahkhmat ya ka MDA da man u uwa smat wow yaklam pynbait wa uwa yahkhmat ka BJP lada em u i bahkhlieh.
Da ong u leh wa ka NPP kawa yahkhmat ya ka sorkar yooluti ko wow yakrehlang chirup wa waroh ki Party wei wa ki seiñ saiñ pyrthai kiwa emlang wa ka sorkar toh u rah ki jar jiar ki phang yong ki, deiwa ong leh wa i pynbaad donhi lyngba ki khubor ymtoh ka luti kawa miat.
