Ka sorkar jylla daw chim ko ya ka ram kawa T. 1500 klur na ka National Bank for Agriculture and Rural Development (NABARD), kawa man ka ram kawa e kyrpang lyngba ka NABARD Infrastructure Development Assistance (NIDA) neibynta wow pynkrehkaam hei wow chna wei pynbha ya ki yung krehkaam ka sorkar.
U Montri Rangbah ka jylla, u Conrad Kongal Sangma da ong u wa kani ka ram da e katkam i yukheiñ wa da lum hi da ka NABARD wei daw pynkrehkaam da ka Public Sector Undertaking (PSU) namo ki chnat sorkar. Da pyntip u wa lyngba kani ka ram, ka sorkar daw chna wow pynbha ya ki 40 tylli ki yung krehkaam ki Block wa em palat 40 tylli, ki Civil Sub Division, ki LP School ki yung krehkaam yong ki Deputy Commissioner, ki yong ki Superintendent of Police wa kamjooh ya ki Police Station.
Da pyntip u wa ka sorkar da paan ko T. 1500 klur bad wei ka Dhab Montri (Cabinet) leh da mynjur ko wow chim ya kani ka ram.
Hawa kylli, u Conrad da pyntip u wa kani ka ram da e por wow su hadooh 15 snem ha ka sut (Interest) kawa man 7.5%.
