U Dr. Mukul da pynkylla u ya ka sorkar MUA cha ka Company: Prestone Tynsong

Shillong: Uwa yahkhmat ka National People’s Party (NPP) uwa man leh kam u symbood montri rangbah u Prestone Tynsong da pynbaad u wa u montri rangbah warim ka jylla u Dr. Mukul Sangma da pynkylla u ka ka sorkar warim ka Meghalaya United Alliance (MUA) cha ka Company.

“U Mukul da pynkylla u ya ka sorkar jylla cha ka Company kawa pynlai da oo samen heiwa lada hun u da man kaam wei lada ym hun u ym man kaam,” da ong u Prestone ynne ka sngi ha kiwa pathai khubor.

Yeini da ong u hadien wa mih ka khubor wa uwi na ki wa yahkhmat ka Congress uwa jooh man leh kam u montri ka PWD u Martin M Danggo ye u psiah noh cha ka NPP lada ka sorkar wa katni bien ko u pynku kyrdan ya ka Ranikor Administrative Unit cha ka Civil Sub-Division.

U Prestong da ong u wa u Danggo toh uwa da khlan bha wow  paan yow punku kyrdan ya ka Ranikor wei boon leh ki MLA mynjur ki ya ini wei u Mukul won ymbien u leh iyi iyi leh hei yatoh wa ini.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

“U Mukul da e u da ka Ranikor Administrative Unit iwa man kawa ong hi leh wym e Sub-Division,” da ong u Prestone.

Da pyntip u leh wa daw lai lang u leh wa u Conrad K Sangma cha Ranikor mynstep ka sngi wei daw emlang leh u montri ka kaam pohyung u James K Sangma, u montri ka C&RD u Sniawbhalang Dhar wa kiwi ki MLA ka liang synchaar.

Ymbien won u ong wa lada daw pynbna ka sorkar ha ka yalang wow pynman ha Ranikor wa lada daw pynku kyrdan ya ka Ranikor deiwa ong leh daw sylli chwa ya ka thaw wei daw yaklam wa ki paidbah wei hadien ini daw chim ya ka rai.

Hawa kylli won lada u Danggo u MLA ka Ranikor u psiah u cha ka NPP, u Tynsong da ong u wa ka NPP pdiang ko ya kiwon kiwon kiwa yahkhmat na kawon kawon ka Constituency wei ka dwar wai ko hadooh ya u Dr. Mukul Sangma lada kwah u psiah.