Kam i dak wow tipmit yei kreh u Justipassing Ryntathiang, uwa man u bru wa duna hei doh i pran, tangwa da ye u wow seiñ won yei kaam ya idæ, kamtæ u Montri Rangbah ka jylla, u Conrad K Sangma ynne ka sngi da e sñiawbha u cha u Justipassing Ryntathiang da kawi ka kari wow yarap ya oo kawa chongdor kama T. 90,000.
U Montri Rangbah da pyntip u wa ya u Ryntathiang da chah pynkup burom u leh ha ka ‘Prime Entrepreneurship’, wei ha itai i por neiliang u Montri Rangbah da kular u leh wow e sñiawbha ya u Ryntathiaang da ka kari kawa ye u pynemkaam kam i dak wow tipmit ya ki kaam wa da leh u.
Ha i jooh i por u Montri Rangbah da e khublei u ya ka chnat Social Welfare kawa da ye wow pynyoh ya kani ka kari ‘Mobility’, kawa da wanrah na Chennai yow e sñiawbha ya u Ryntathiang, ya kawa da mang poisa na ka Chief Minister Special Grant.
U Conrad da e khublei kyrpang u leh ya u Ryntathiang uwa da man kam ka nongmuna wa bha neibynta kiwi won kiwa chong chnong, neibhah hanla em u hapyrdi i tlot leh da ye u wow jop ya ki kiwa ym ye wow khanglaad wow ku u chaneiñ.
