Ka Cabinet ka sorkar Assam ynne da rai ko wow e License tiar siat ya ki tre thaw (Indigenous Indians) wa sah ha ki District wa man synjor wa sy’ir wei kiwa boon da ki khian paaid.
Ya ini da leh khnang wow ye ki tre thaw wow yada pyn yaki hi, wei yeini da pynbna da u Chief Minister ka Assam, u Himanta Biswa Sarma ynne ka sngi.
U Himanta da ong u wa kani ka Scheme wa tip kam ka Special Scheme for Grant of Arms Licenses, u kynthup ko ya ki tre thaw namo ki nong India wa sah ha ki chnong wa jngai, wa synjor khamtam ki thaw wa boon ki Muslim na Bangladesh.
Kini ki thaw kynthup ki ya ka Nagaon, Morigaon, Dhubri, Barpeta, South Salmara-Mankachar wa Goalpara.
Chooh chooh da ong u wa ki bru ha kini ki thaw da slem wa tieñsar ki yei mynsien wa ki tiar ki thaw khamtam hadien wa mih i kynaad ha Bangladesh heiwa ki tre thaw (nong India) u ye ki wow yada pyn yaki hi wei ini man i dawa wa da slem bha.
Ya ki License daw e cha ki bru kiwa ym em dak yong namo kiwa tyngkheiñ aiñ wei u e da ki District Commissioner ki wow pait ya kitæ ki thaw wa man synjor.
Discussion about this post