U Bishop yong ka Jylla-Niam Jowai, u Most Rev. Ferdinand Dkhar D.D. da pyntip u wa neidaw wa ka sngi tlep ya u Pope Francis u man ko ha ka 26 tarik uni u bnai heipor 10:00 waje i step katkam i kheiñpor yong ka Vatican ha Rome, kamtæ da khut da wer ya waroh wow ya ksohktilang wa ka Balang salonsar da i duwai neibynta i chong ngiah i mynsien u Pope.
Kamtæ da phah ya waroh ki Lyngdoh, ki bruniam wa ki paaid para wa ngait yong ka Jylla-Niam Jowai wow bood ki ya kini ki ar tylli ki kyndon.
Kawa nyngkong, waroh ki skur Katholic wa em hapoh ka Jylla-Niam Jowai u khang ki ha ka 25 tarik uni u bnai.
Kawa ar won, da kyrpaad ya waroh ki bruniam wa ki paaid para wa ngait ka Jylla-Niam Jowai wow wan chimbynta ha ka Mass Wakhooid neibynta i mynsien u Pope kawa daw pynman ha ka 25 tarik hi heipor 4:00 waje i janmiet ha Cathedral Parish Jowai.
Discussion about this post