U Montri Rrangbah ka jylla, u Conrad K Sangma ynne ka sngi da ong u wa ka sorkar daw leh ko deiwa eh ya kiwa tympdung Bomb ha nongbah Shillong wei ki pulit da kem ki leh ya kiwa suba emkti hajrong ini wa jia jia.
Kam wow pynkynmoo wa ha ka miet ka 9, uwi u bru da mynsoo u hadien wa pdung u Bomb IED ha Them Iewmawlong wei hajrong ini wa jia da kem ya ar ngut ki bru haka 10 tarik wei haka 11 tarik da kem won sa soo ngut na Ri-Bhoi.
Hawa klam wa kiwa thoh khubor, u Conrad da ong u wa katkam wa chem ki pulit, da em ki kattu katni wa ki bru samen kiwa emkti ha ini i kaam pyrchah aiñ ki wym pu ye wow pyntikna ya kayi ka seiñ wa emkti.
Hawa kylli lada ka sorkar daw pteiñ namo ym pteiñ ko wow khut yaklam yaka Hynniewtrep National Liberation Counci (HNLC) hapyrdi waroh ini iwa jia, u Conrad da ong u wym ye u ong ya katni neibhah hadooh kattæ ym ye u ong neidaw wa katni dang i suba donhi khlem da em i pynsakhiat.
Kam wow kdaw heini wa ka HNLC da mih noh ko nei yaklam yasuk hapyrdi ka sorkar jylla waka sorkar pyrdi hadien wym hun yei jubab na ka sorkar wow maap lut ya waroh ki mukotduma pyrchah ya ki dkhot ka seiñ.
Discussion about this post