Shillong: Ka All India Mahila Congress President kamjooh ka Silchar MP ka Sushmita Dev ynne ka sngi da klam pyrchah ko ya Bharatiya Janata Party (BJP) wa pynbaad ko wa u Meghalaya Home Minister u HDR Lyngdoh hei yatoh wa jia ha Marvelene Inn heiwa ka khynnah kynthai da chah slaitbor ko ha u MLA ka Mawhati u Julius Dorphang.
Hawa yaklam wa kiwa pathai khubor ynne ka sngi da ong ko wa ka Union Information and Broadcasting Minister kamjooh kawa yahkhmat ka BJP ka Smriti Irani ym em klam ko iyi iyi leh hei yatoh waka kaam slaitbor wa jia ha ka thaiñ Kutch ka Gujarat.
Da ong ko leh wa u Montri Ranagbahdooh na ki por cha ki por hiar u cha ka thaiñ Kutch tangwa ym jooh klam u neibynta kani ka kaam wei ym em leh wa chah kem hadooh katni.
Ka Dev da ong ko leh wa ki kaam pyrchaah ya ki kynthai ha ki jylla wa synchaar ka BJP dang ku ki wei ha ka jylla Haryana man ka 8 kynta da em ka wa chah slaitbor.
Da ong ko leh wa ka sorkar BJP ym em chimkhia ko ya ini i kaam heiwa ka Irani toh kawa nynkong dooh wow klam ya ini i kaam deiwa ong wa ka RSS wa ki heh ka BJP ngait ki wa i kaam ka kynthai toh du wow kha khon donhi.
Da pteiñ ko deiwa ong wa kam ha ka jylla Meghalaya ki kynthai toh kiwa kordor bha wei ka BJP ym ye ko u klam chaphang ini hadooh u Modi wow yada ya ki kynthai.
Da pynbaad ko leh wa ka Scheme Pradhan Mantri Ujjwala Yojana u Modi toh wow pynsahkut ki ki kynthai ha yung chet ja ym toh wow pynku yei kyrdan yong ki.
Discussion about this post