U MLA ka UDP na Amlarem uwa man leh u Montri ha ka sorkar MDA, u Lahkmen Rymbui da ong u wa u pteiñ u wow pyndep ya kiwon kiwon ki kaam wa da pynkit ha oo kam u Montri Kaam Pohyung katwa u Montri Rangbah ym pu pdiang u ya ka chithi wow pynlait noh ya katai ka chnat.
Kam wow pynkynmoo wa u Rymbui da phah u ya ka chithi wow pynlait noh ya ka chnat Kaam Pohyung ha ka 15 tarik u Nailar, hadien wa da mih i chah siat yap uwa yahkhmat warim ka HNLC, u Cherishstertfield Thangkhiew iwa da wanrah leh yei ktah ya i suk i saiñ ha ka nongbah Shillong.
Hajrong ini neiliang u Montri Rangbah, u Conrad Kongal Sangma da klam che u wa ym pu pdiang ya ka chithi wa da tyrwa da u Rymbui, iwa da pynyoo wa u Rymbui dang pteiñ u kam u Montri ka chnat Kaam Pohyung ka jylla.
