Shillong: U Chairman ka MDA Coordination Committee uwa man leh u Montri Rangbah ka jylla, u Conrad K Sangma da pyntip u wa daw yachem u wa u Lat ka jylla, u Satya Pal Malik yow yaklam hajrong ka Meghalaya Residents Safety and Security Act (MRSSA), wei kamjooh kiwi ki phang wa emkaam ha ka jylla.
Da pyntip u leh wa ka Coordination Committee da yatai sani bha ko hawa yatoh wa i pynuiñ yong u Lat ya ka MRSSA deilang wa ki e yumut.
Hawa yatoh wa ki khyrdop næ Entry Exit Point, da ong wa i pynkrehkaam ya ki da lai kamwa man wei kattæ waroh ki bru kiwa psiah cha ka jylla hap ki wow pynpsiah pyrtuid katkam i long i man wa katni. Da ong u wa ka sorkar kamwa da kular daw pyndep noh ko leh ya ka khyrdop ha Umling ha i por wa da booh.
