U pynku kyrdan ya ka Mini Secretariat ka Tura cha ka Additional Secretariat hei lut wa palat ₹150 klur

U Montri Rangbah ka Meghalaya, u Conrad K Sangma ynne da pynbna u wa ka Tura Mini Secretariat u krehkaam ko kam ka “Additional Secretariat” neibynta ki paaid ka Garo Hills.

Yeini da pynbna u ha ka yalang wa da pynman ha Samanda wa Williamnagar, heiwa da pynyoo u leh ya ka Architectural Drawing yong kani ka Tura Secretariat.

“Nyngkong da mut wow chna kam ka Mini Secretariat, tangwa ka sorkar da sñiaw ko wa hap wow pynheh ka yow chniam waroh ki chnat sorkar hadooh ka Chief Minister’s Office, ki Minister’s Office deilang ki thaw kreh ya ki heh sorkar (Bureaucrat)”, da ong u Conrad deiwa pynrap wa kani ka Tura Secretariat daw pyntikna ko wa waroh ki kaam sorkar daw ye u pynpoi cha Garo Hills.

“Ki bru na Garo Hills hap ki wow lai chadooh cha Shillong neibynta ki kaam sorkar, wei i kaam ka Tura Secretariat toh yow pyntikna wa ki bru na Garo Hills daw suk ki wow pyndep yei kaam yong ki nadooh ki kot ki sla pyn hapoh Tura hi”, da ong chooh chooh u Conrad.

Related posts

Khyrngiat u DC yei em 560 tylli ki kreh wa lait ha West Jaiñtia Hills District: HITO Jowai Circle

May 28, 2025

Pynhaap ka DMO ya ki chong Pnar chapoh ka West Karbi Anglong, lai paan pynche ka PSM

May 28, 2025

Nyngkong ya ka Mini Secretariat ha Tura da booh ₹30 klur yow chna ka tangwa kattu daw pynlut palat ₹150 klur.

Da pyntip u leh wa ka Tura Convention Centre daw em ko ha chrooh ka Tura Secretariat, kamwa da pynyoo ha ki Architectural 3D Drawings.

Yei chna ya ka bynta wa nyngkong kani ka Tura Secretariat u pyndep ha u bnai nyngkong u 2027.