U Montri wa pait ya ki kaam uiñke suwari ka jylla, u Paul Lyngdoh ynne da lai pait u ya ka thaaiñ Khyndailad yow sñiawthooh yei eh wa tyngkhooh ki paidbah wa lai dei kjat ha ki thaw wa pynman yaaw.
Neidaw wa ini i bynta ka sor Shillong toh iwa boonkaam dooh deiwa em da ki boon spah tylli ki kari wa lai neini man-ka-sngi, kamtæ u Montri da ong u wa da jied wow pynman ya u sarok nadooh na Khyndailad chadooh Umsohsun yow man noh u kam u sarok wow pynemkaam da ki bru donhi wei daw khang leh yei pynkieh Horn ki kari.
Da ong u leh wa i pynkieh Horn hajan ki Hospital wa kamjooh hajan ki yung krehkaam sorkar toh iwa pynwit pynthut bha wei toh u pyndooh noh ki.
Chooh chooh da ong u wa ka Shillong da sih bha ko hadooh wa kiwa lai kjat leh da chem chitom ki wei emkaam wow pynbait noh ya ini.
Hawa kylli lada ye sakhiat wow leh yeini wow pynkylla cha ka luti lai kjat ha Khyndailad wei wow pyndooh yei myllien pynkieh Horn, u Paul da ong u ye hi lada em sakhiat itæ i chimkhia hawa pynkrehkaam tangwa da pynrap u deiwa ong wa hawa pyrchang ya iwon iwon iwa thymme ymtoh iwa suk wei ka thong toh wow pynkylla ya ki kattu katni ki thaw ha Shillong kam ki sarok lai kjat ki bru.
