U Montri wa pait ya i kaam rep ha ka jylla, u Banteidor Lyngdoh da ong u wa da dep wow yaklam wa ki bor pynlai District hajrong i ood ki warep wa kiwa khayi jhoor neidaw wym em kiwa thied, wei daw em du kiwa dai khlem kiwa thied iwa ym em yumut iyi iyi leh, wei hajrong ini, da booh leh ar ngut ki sahep wow pait ya kiwa chong yaw wa kiwa dai wa thied wa da bood ya ki kyndon.
Da kyntu u leh ya kiwa dai yaw wa ki warep wow ya krehlang ha kam ini i por deiwa dai wei bood ya ki kyndon kamwa da phah da ka chnat i chait i khiah.
Hawa kylli hajrong i wanrah ya ki jhoor kiwa na baar, u Banteidor da ong u wa katwa ye, neiliang ka sorkar daw pynrkhiñ wei ym e laad ko wei daw pynlai chwa ya ki jhoor wa pynmih da ki warep ka jylla, tangwa da ong u leh wa lada khang ya ki mar wa na baar, ye wa daw man wym ye de wow chalan won ya ki mar na ka jylla.
Da ong u wa kamwa man katni, da hiar wei duna bha i wanrah ya ki jhoor kiwa na baar neibhah ha ka jylla leh da toh ka samoi wow yoh ya ki jhoor, lait noh kattu katni jait ki jhoor kiwa ym em ha ka jylla.
