U Montri wa pait ya ka chnat i chait i khiah, u Alexander Laloo Hek da ong u wa ka sorkar jylla daw hap ko wow bichaar hi lada dang emkaam wow pynkrehkaam biang ya ka Lockdown lane deiwa pynlait chooh chooh ya ki kaam ha ka jylla waroh kawi, næ wow dam noh ya ka Lockdown deiwa hap pait ya i long i man ha waroh kawi ka jylla.
Da ong u wa ka sorkar ka burom wei pdiang ko ya ki kyndon wa da phah da ka sorkar India wa toh u em i pynrkhiñ hadooh ka 30 tarik uni u bnai, tangwa da ong u wa ka sorkar jylla leh hap ko wow pynkrehkaam ya ki kyndon deiwa bichaaar wei pait bniah yei long i man ha ka jylla man-ka-sngi.
Hawa yatoh wa i thmu wow pynkheiñ kyndon kiwa dai madan deiwa yaleh pyrchah ya ki hukum ka sorkar wow yada nei poor u khñiang COVID-19, neiliang u Hek da ong u wa ini i kaam da ekti ha ki bor pynlai District wow leh ya iwa emkaam.
