U Hasnat Abdullah uwa man kam u heh ka National Citizen Party (NCP) ka Bangladesh da ong u wa ki Seven Sister State ka India daw chah pyntkut ki na ka India lada ka India pteiñ ko wow yada ya ki bru wa choon ya ka Bangladesh.
Yeini da ong u ynnin ha ka yalang (All Party Meeting) wa pynman da ka Inqilab Mancha ha Central Shaheed Minar deiwa pynbaad u wa em boon bha ki kwah wow pynkulmar hapoh ka ri yow lait u lai bait ka Election deiwa pynbaad leh wa iwa jia chah siat u Osman Hadi toh deiwa kyrchaan ka India.
Da pynbaad u leh wa ka India toh kawa kwah wow pyntlot ya ka Bangladesh wei da pynyap ko leh ya ki Bangladeshi ha khappood wei ka Sheikh Hasina kawa em ha India kattæ da pynlum pynlang bru ko deiwa saam poisa, saam suloi wei e sikai yow pynthut ya ka Bangladesh wei manda jia kamni i diñ daw poor i cha palat u pood ka Bangladesh.
Da ong u leh wa kiwa pynthut kiwa kwah wow pynkyllooh ya ka Bangladesh toh kiwa wan na chiliang pood wei ym ye de wow yatoh wa ka India lada pteiñ ko wow yada ya ka Sheikh Hasina kawa da chah pynbaad wa emkti wow pynyaap ya kiwa boon heipor wa man yakhih ha uni u snem.
Discussion about this post