U sdang noh ka sorkar wow Register ya kiwa chongdai rood sarok

Ka sorkar Meghalaya da pynbna ko wow pynkrehkaam yaka ‘Meghalaya Street Vendors (Protection of Livelihood and Regulation of Street Vending) Scheme, 2023’ lyngba ka Notification No. UAU. 71/2023/35 dated 25.10.2023 kawa da pynchna hapoh ki kyndon ka aiñ “Street Vendors (Protection of Livelihood and Regulation of Street Vending) Act, 2014”.

Kani ka Scheme toh yow e yada wei wow booh kyndon ya kiwa chongdai cha rood sarok deiwa e thaw ya ki wow kamai ki khlem da leh chiliang wei wow leh ki yei kaam deiwa khooid wa suba yow lait u chah ktah ki paidbah.

Hapoh kani ka Scheme da booh leh ya ki kyndon wow bood yow tipmit ya kiwa chongdai kamjooh yow thap pyrtuid (Register) ya ki deiwa lai chim pyrtuid i wow leh da jar jiar ki Town Vending Committees (TVC) lyngba ka sorjamin wa tip kam ka In-Situ Survey.

Kani ka Survey u man ko heidur ka Digital Format wow leh lyngba ka Application wa chna da ka sorkar Meghalaya wei daw pynlang ya ki thaw wa chongdai, ki jait mar wa dai ki næ ki jait kaam wa leh ki, i por, i thaw, ki tiar ki tar wa pynemkaam ki wa kiwi kiwi de.

Related posts

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Ya kani ka Survey daw pynman chi bhah chisien wei daw sdang na Khyndailad, Jail-Road, Barik, Malki-Dhankheti, Laitumkhrah wa Polo nadooh 4 tarik hadooh ka 16 tarik u Kmaichonglad (Dec), 2023.

Katkam ki kyndon kani ka Scheme, kiwa chongdai cha rood sarok kiwa kwah wow Register daw hap ki wow pynyoo wa ki man ki kam kiwa chong chnong ka Meghalaya ym duna ya le snem, u pynsakhiat wa da chongdai ki heijooh i thaw, i dong næ i chnong 6 bnai nadooh wa pynbna ya kani ka Survey wei kani ka Registration toh kawa daw krehkaam 5 snem.

Hadien wa dep u Register, ya kitu kiwa da chah jied, neiliang ka TVC daw e ko ya ki Certificate of Vending (CoV) iwa chong hei lait i thaw chongdai deilang waka ID Card kawa neibynta chi snem.

Ka CoV toh du kani donhi ka kot kawa e bor wow chongdai ha rood sarok ha iwi donhi i thaw wa da jied.

Heijooh i por ka sorkar deilang waka TVC da pynkhreh ki yaka City/Town Street Vending Plans kiwa daw jied ya ki thaw wa hoi u chongdai wa ki wym hoi u chongdai ha ki chnong ki thaw.

Ka sorkar Meghalaya da pyntip ko wa hapoh ka jylla kiwa chongdai cha rood sarok man ki leh kam chibynta i rukom man ka chnong ka thaw wei kani ka Scheme pynyoo ko leh yei rai ka sorkar wow pynchlur ya kiwa seiñ khih wei wow e laad leh u kamai yow pynbha pynmiat yei im kiwa chong chnong.