Ka chnat Public Health Engineering (PHE), Meghalaya da sdang ko ya ka ‘Water Guardians: Strengthening Sustainable Communities’ Campaign kawa em hapoh ka Jal Jeevan Mission wei ka thong toh wow tipmit ya ki chnong wa em ha Meghalaya kiwa da leh da ki rukom waphær waphær wow yada wei pynneh pynsah ya ka um wa em hapoh ka chnong ka thaw.
Neiliang ka sorkar da ong ko wa kani man ko kam chibynta i kreh ka sorkar wow pynyoh ya ka mynstep mankawi kawa biang ki tyllong um.
Ha kani ka sngi pynlait paidbah, u Marcuise N. Marak, Montri ka chnat PWD da wan u kam u kongsan deiwa emlang u symbood kongsan, u Syed Md. A. Razi, Commissioner & Secretary, PHED cum Mission Director, JJM Meghalaya, ka B.M. Lyndem, Chief Engineer, PHED wa kiwi de ki sahep sorkar.
Neiliang u Montri hawa e yei klam da ban joor u yei emkaam wow pynneh pynsah wei wow yada ya ka rym-aw khamtam ya ka um yow lait nei chah pynemkaam bakla wei kani ka Water Guardians toh kawa emkaam bha wow pynchlur yei pynneh pynsah ya ka um hapoh ka jylla. Kamtæ da khut u ya ki paidbah wow ya krehlang waka sorkar neibynta wow pynskem yei yoh um hapoh ka jylla.
Kani ka Campaign toh ka wow pait ha waroh ki liang kiwa yatoh wow yada ya ki um ki wah, i buit wa pynemkaam wow yada wei wow pynneh pynsah ya ki tyllong um wei wow pynkup burom leh ya kitu kiwa da e mynsien ya ka chnong ka thaw wow pynneh pynsah wei wow pyrkhat deiwa thymme kammon wow yada ya ka um.
Neiliang ka Jal Jeevan Mission da khut ko ya ki bru samen wa ki dorbar chnong wow chimbynta ha ini wow ya krehlang neibynta ka mynried kawa chngaaiñ wei ka sorkar hi kwah ko wow tipmit ya kini ki ‘Water Guardians’ kiwa nachwa ym jooh yoh yei naam wa toh u yoh ki wei wow pynchlur leh ya kiwi wow ya bood ki.
Discussion about this post