Ka luti rel wa nyngkong dooh hapoh ka jylla Mizoram wa tip kam ka Bairabi-Sairang Railway Line kawa da pyrkhat u chna ka ha u snem 1999 iwa dadap 26 snem kattu, u wai noh ka da u Prime Minister ka ri, u Narendra Modi ha kini ki sngi wow wan.
Kani ka luti rel wa jrong 51.38 Km u pynyabi ko ya ka nongbah ka Mizoram ka Aizawl wa kiwi ki jylla, wei da booh ya u mooyurim ha ka 29-11-14 da u Modi heiwa yei thied thaw da ye u pyndep ha u snem 2015 wei da sdang leh i kreh ha utai hi u snem.
Katkam wa khana u Project Chief Enginer, u Vinod Kumar, i kreh man i iwa eh bha neidaw wa yoh du kamwa 4-5 bnai chi snem khlem da pynthut u slap (Nov-Mar) najrong ka thaw man ko kawa synrang, wei da hap leh wow tih boon tylli ki Tunnel wei wow chna deilang ki yingkieñ wa boon.
Ki Tunnel da em 48 tylli kiwa jrong waroh deilang 12.853 Km, da em leh 55 tylli ki yingkieñ kiwa jrong wa 87 tylli won kiwa khian deilang wa 5 tylli ki yingkieñ wa hap lai najrong sarok wa 9 tylli won napoh ki sarok wei kawa heh dooh ka yingkieñ toh kawa jrong 104 meter na sla khyndaw iwa mut wa jrong kani ka yingkieñ da 42 Meter ya u Qutub Minar.
Neiliang u CM ka Mizoram da lai yachem u leh ya u Modi ynne yow yaklam ya kiwa boon ki kaam nadooh u sarok Aizawl-Thenzawl National Highway, i kynaad ha Myanmar wei i wanrah ya ka Gas Pipeline Project yow pynpoi Gas da ki Pipe hadooh ha yung.
Discussion about this post