Ka seiñ Hynniewtrep Integrated Territorial Organisation (HITO) ynne ka sngi hapoh i yahkhmat u General Secretary ka seiñbei, u Wanbun N Dkhar wa u Lawyerson War da lai ki wow ujor cha ka Meghalaya Human Right Commission (MHRC) pyrchah ya u SP ka East Jaiñtia Hills District hajrong wym leh u iyi iyi leh ya ka FIR wa da e ka seiñ nadooh ka 5 tarik uni u bnai yow dawa khang noh ya ka Weigh Bridge Cum-Forest Check Point wa ya ka Ratacherra Forest Beat Office yong ka Jaintia Hills Autonomous District Council.
Kam wow pynkynmoo wa ka seiñ da booh ko ya ka FIR pyrchah ya kitai ki khyrdop ka JHADC hadien wa da yoh jubab lyngba ka RTI wa da booh ha JHADC kawa da ong wym em e kti næ thung ya uwon uwon wow pynlai ya kitai ki khyrdop wei ym em leh yoh bor wow booh khyrdop na ka Ministry of Road Transport and Highway næ na ka National Highway Authority of India wow leh yeini ha ki sarok National Highway.
Kamtæ ka seiñ da ong ko wa hadien wa da che ini waroh, da lai ujor ko cha ka MHRC neibhah wym bien ka yung krehkaam u SP wow leh iyi iyi ya ka FIR wa dadep booh nadooh ka 5 tarik uni u bnai.
Puræ leh: Chah e FIR uwa pynlai ya ka khyrdop ka JHADC khlem da yoh bor
Discussion about this post