Ka seiñ HITO da booh ujor ko ha u Chief Electoral Officer ka Meghalaya, u Dr. B.D.R. Tiwari pyrchah ya ka National People’s Party (NPP) wa kiwa kreh yong ka ha West Jaiñtia Hills District heiwa da yahbkla ki ya ki paidbah chaphang ka Pradhan Mantri Awas Yojana-Gramin (PMAY-G) Scheme.
Ka seiñ da ong ko wa kiwa kreh ka NPP da pyntip paidbah ki wa yow yoh ya ki yung sorkar lyngba ka PMAY-G Scheme toh deiwa mynjur ki MLA wei ini toh iwa bakla neibhah wa kani ka Scheme sorkar pyrdi toh neibynta kiwa dooh wa duk yow yarap poisa yow chna yung ki khamtam kiwa em cha ki thaw palatsor.
Kamtæ da ong wa ini toh iwa booh hei maa ya ki paidbah kiwa chaniah ha ka sorkar heiwa da yahbakla ki yei rukom krehkaam ka Scheme khamtam heini i por wa em ka Election wei toh u pyntip cha ki paidbah da iwa biang wei ini wa jia kattæ man ko leh pyrchah ya ka Model Code of Conduct du neibynta wow yoh Vote ki kyrtong ki.
Hajrong ini da kyntu wow pynman da ka takit wa bniah wei wow pynchitom ya kitu kiwa yahbakla ya ki paidbah yow man ka Election kawa khooid wa suba.
Discussion about this post