Jowai : Ka seiñ ka Jaiñtia Hills Cement Manufacturers Association (JHCMA) ka seiñ yong ki kharkhana wa pynmih khyndawbilat da ujor ki cha u SP ka West Jaiñtia Hills hei yatoh wa chah khrong poisa ki truck kiwa mih na ki karkhana yong ki.
Ki truck da chah khrong poisa ki ha Mookyndur ha ka Check Gate næ ki thaw khrong Customary Tax ki Dolloi.
Da ong ki wa ini i khrong poisa ki Dolloi toh iwa pyrchah ya ka aiñ National Highway Authority of India Act, 1988 kawa da klam che wa yei khrong dan toh u lai lyngba ka NHAI neibhah ki Dolloi khrong dan ki ha ka National Highway. Iwa mut wa khrong dan ki khlem bood ya ka aiñ.
Kamjooh leh da em ka wi ka mukotduma hapyrdi u Md. Jakir Hussain Vs. State of Assam & others kawa da khang ya waroh kiwa khrong dan ha ki National Highway kawa da kam ka JHCMA wa kawa krehkaam leh ya ki Dolloi katni.
Ya kani ka ujor ka JHCMA da phah leh cha u DC ka WJH, u Chief Secretary ka jylla wa cha u Director General of Police ka Meghalaya.
Discussion about this post