Ka yalehke ynne ka sngi da pynman hapyrdi ka Ribhoi District CApyrchah ya ka ka Eastern West Khasi Hills District CA heiwa ha ka kyllakhlem da jop ka Ribhoi wei da kam ko wow tied chwa.
Ka Ribhoi hawa lai tied nyngkong da kamai ko 226 run na ki 50 overs wei da haap ko 9 wicket. U Anmol Shah da lehke bha u lyngba ka bat dei wa tied u samen 61 run na ki 71 ball wei da thlieh haroh u 10 tylli ki Four (4). U Manbhalang L Marshillong (C) won da tied u 48 run na ki 84 ball deilang wa 7 tylli ki Four (4). U Dabetbhalang Kharjana wa kawang ball yong ka Eastern West Khasi Hills da yoh u 3 wicket na ki 12 over.
Ka Eastern West Khasi Hills ha ka pali yong ka wow beh ya ka thong, kiwa tied yong ka ymye ki u yalehke bha neidaw wa chkæh ware kiwa kawang ball yong ka Ribhoi wei da ye ki u tied du 55 run na ki 21 Over dei wa haap waroh 10 wicket. U Anmol Shah uwa kamai boon run na ka Ribhoi District da yalehke bha u leh hawa kawang ball deiwa pynhaap 5 wicket na ki 2 over, wei kani da pynman ko ya oo wow rah ya i naam Man of the Match.
Ka yalehke mynstep ka sngi toh hapyrdi ka South West Khasi Hills District CA pyrchah ya ka West Khasi Hills District CA heipor 8:30 i step.
Ya ka digital live score yong kani ka tournament ye phi u pait lyngba: https://cricheroes.com/tournament/1430009/mca-under-16-boys-inter-district-tournament-2025/
Discussion about this post