U Montri ka chnat Tourism, u Paul Lyngdoh da ong u wa ka Sohra man hi ko kawa chngaaiñ wei kawa pawnaam kam kawi na ki thaw uiñke suwari hanla em i wiar ki chijur ha ki sngi wa dadep deiwa pynrap wa ki Hotel, ki Resort wa ki Homestay man ki kiwa dap.
Da pynsñiaw u leh yei sñiawkhia yei wiar ki chijur deiwa ong leh wa ini ymtoh wa em i tlot neiliang ka sorkar neibhah wym ye hi u booh bru wow pait ya kawi pa kawi ka luti.
Da kdaw u leh ya u bru na Shillong uwa da wiar u ha Thailand la ynru bnai kattu khlem chemdien ya oo, kamtæ da ong u wa ye hi mo u ong wa ka Thailand ym em u chngaaiñ ko.
U Paul da kdaw u leh wa em ki Guide ha ki thaw uiñke wa pawnaam kam ki yingkieñ jri, tangwa lada em kiwa lai palat ya i thaw wa da booh iyi u ye ka sorkar wow leh.
Hajrong i pynbaad na kiwa ha-yung wa slem i thooh ya ki chijur, neiliang u Paul da ong u wa sñiawthooh hi iyi wow sñiaw ki ha mynsien kam ha ini i por. Deiwa pynrap wa ka Meghalaya man ko ka thaw wa boon ki loom ymtoh kam ki thaw wa madan heiwa em ki chnong dang man kiwa jngai bha u kynjoh kamtæ ki waheh wasian da chna ki ya ki yingkieñ jri.
Chooh chooh da ong u wa em ki bru wa wiar ha UK wa ha US wei ym mut wym em man chngaaiñ ki, tangwa hanla kattæ leh ka India dang man hi ko kawa chngaaiñ.
Da pynkut u deiwa ong wa kini ki chijur ye ki wow lai cha ka luti kawa maa wa khlem wa em wa yah ya ki, wei em ki por iwa jia ymtoh kiwa em hei bor yong ki bru waroh.
Puræ leh: Wiar u bru uwa na Meghalaya ha Bangkok da palat chi bnai
Discussion about this post