U James PK Sangma uwa man kam u Montri wa pait ya ka chnat Bordiñ ha ka jylla, da ong u wa ka sorkar ym ye ko wow kular wa ym em de ka Load Shedding namo i pyndooh bordiñ ha ka jylla.
Da ong u wa neibhah kamwa man katni, ym ye wow batai chwa ya ka aiom lyiur kawa da wan, neibhah ka jylla ym em yoh slap ko hadooh katni kamwa da yooluti.
Kamtæ da ong u wa ye u man ha ki por wow wan, ka Load Shedding ye u hap pynkrehkaam biang, tangwa neiliang yong ka sorkar daw pyrchang ko wow pynduna ya i por wa pyndooh yow lait ko u ktah ya ki kaam wa man-ka-sngi ki paidbah.
