Wa e mon ka Star Cement hadooh wa pynyap bru kiwa yah kari ko: Jaiñtia Women Council

Ka seiñ Jaiñtia Women Council da beiñ joor ko yeiwa jia ha Star Cement heiwa kiwa yah Truck kani ka karkhana ym em de kheiñ ki yei mynsien bru.

Ka seiñ da dawa ko wow kem noh chisiendon ya uwa yooh ya u Sngewlang Suchiang da uwa yah ya ka Truck wa em Number ML-11A-3162, u Sailangmi Dkhar wei katkam wa tip ka seiñ wa uni uwa yah Truck nadooh na laad JUD Cement sdang u wow yah klem akor deiwa sangeh syndet syndet hadooh wa u Sngewlang uwa yah ya ka kari Pick-Up ka Bolero Camper da pyrchang u wow yaklam wa uni uwa yah Truck tangwa ym ap u wot hadooh wa poi ka Gate No.1 ka Star Cement heiwa da pyrchang biang u yaklam sñiawthooh wa u Sailangmi tangwa ym bien u hadooh wa poi chei chah yooh u ha kani ka Truck wym bien u sangeh hadooh wa yap u.

Ka seiñ da ong ko leh wa ini i leh uni uwa yah Truck toh nei e mon ka Star Cement ya kiwa yah kari hadooh wow pynyap bru wei man ko leh nei rukom e Trip ko iwa da pynman ya kiwa yah kari wym kheiñ de ya ki bru wa lai cha rood sarok.

Related posts

Dei sñiaw kmen sñiaw sarong pdiang burom ya ka Aishwariya Malang ha Jowai kawa jop Miss Teen Diva 2026

July 22, 2026

Iñ ka Truck ka FCI kawa kit khoo hawa dang mut wow lai cha Jaiñtia Hills

July 22, 2026

Ka JWC da dawa ym du wow kem tangwa wow pynchitom leh katkam ka aiñ ya kam uni u bru yow lait u jia chooh iwa sñiawsih.