U President ka BJP Meghalaya, u Ernest Mawrie da ong u wa sorkar BJP ha Manipur skem ko neibhah wa biang i em boon paaid hanlada em du 2 ngut ki MLA yong ka seiñ KPA da randien noh ki u kyrchaan ya ka sorkar ha ki kajiak sngi wa dadep.
Da ong u wa ha ka sorkar u N. Biren Singh da yakrehlang wa ki seiñ saiñpyrthai kiwa kyrchaan ya ka sorkar National Democratic Alliance (NDA), wa kynthup ya ka NPP kawa em 7 ngut ki MLA ha Manipur.
Hadien palat 3 bnai wa mih i kulmar ha Manipur iwa da neh hapyrdi ki jaitbru Meitei wa ki Kuki, ka sorkar BJP ha Manipur dang neh ko wot hapyrdi i pynbaad na kiwa boon ki liang.
Neidaw wym ye u kdoh u khoom ka sorkar BJP yei kynaad wei wow wanrah biang ya i chongsuk ha Manipur, neiliang ka Kuki People’s Alliance (KPA) kawa em 2 ngut ki MLA da randien ko wow kyrchaan ya ka sorkar yong u N. Biren Singh, katwa ka National People’s Party (NPP) kawa man ka National Party na ka jylla Meghalaya dang pteiñ ko u krehlang wa ka sorkar BJP ha ka jylla Manipur.
Discussion about this post