Wai ka JHADC yaka yung krehkaam wa thymme neibynta ki EM wa u CEM hei lut wa Rs. 3.38 klur

Ka JHADC ynne da yoh ko wow wai yaka yung krehkaam wa thymme wa tip kam ka Additional Office Building kawa da chna hei lut wa Rs. 3.38 klur kawa da ye u pyndep hadien ar snem khat-wi bnai wei ya kani ka poisa toh kawa da yoh hapoh ka Central Grant kawa da e ha le tylli ki snem mang tangka kitæ u 2018-19, 2019-20 wa 2020-21.

Neiliang u CEM u Thombor Shiwat, u Deputy CEM u Lasky Rymbai wa u EM I/c CWD, u Phasmon Dkhar da smat ki wow pynche wa kani ka poisa ymtoh kawa da chim naka tulop kiwa kreh wei kani ka poisa leh ymtoh kawa ye wow pynemkaam yow su tulop.

Yeini da ong ki neidaw wa boon kiwa kreh ym em bien ko wow wan chibynta ha kani yalang wai ya kani ka yung krehkaam wa thymme ka JHADC neidaw wym pu yoh tulop heiwa u Thombor da kular u wow pynyoh smat yaka tulop lada ye hapoh uni u snem.

U CEM da pynsñiaw u yei kmen wow yoh u wai noh ya kani ka yung kawa da chna hapoh ka EC yong oo katni, hadien kiwa boon da ong ki wa kani ka EC ym yoh ki wow pynemkaam ya kani ka yung thymme.

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Neiliang u Phasmon da khana u wa ya kani ka yung da chna hadien wa da yoo yei khynnia ka yung krehkaam wa chong ki MDC katni neibhah da em ki MDC wa hap wow chong haka jooh ka kamra ar ngut, kamtæ ya waroh ki EM deilang wa u CEM kiwa da em 10 ngut waroh u chong noh ki hapoh kani ka yung thymme deilang wa ki sahep wa em ha ka kyrdan Deputy Secretary, Under Secretary wa Secretary.

Ya ki kamra wa da lait daw e bhah cha kiwi ki MDC yow yoh noh ki jar jiar i kamra kamjooh kiwi de kiwa kreh yow lait nei khynnia.

Chooh chooh da ong u wa man iwa sñiaw sarong ya oo kam u EM wa pait u chna ya kani ka yung neibhah da haap maad boon i pynthut khamtam heipor wa wan ka khlam COVID-19 wei da ye u chna ka katkam wa da mang hi kawa man le mala khlem da kheiñ ya ka mala kawa ha tre kawa man kam ka thaw pynyieñ kari. Hapoh kani ka yung thymme da em leh ka Conference Hall.

Da pyntip u leh wa daw wai noh sa ka Dorbar Hall ka JHADC kawa em Stand Indica.

Najrong kiwa boon kiwa kreh ki ym em wan cha kani ka yalang, neiliang ki MDC ka liang pyrchah leh ym em ya wan embynta lang ki.