15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Wai u Conrad ya ka Nengmandalgre PHC ha Williamnagar kawa T. 5 klur tam

Ynne ka sngi u montri rangbah ka jylla, u Conrad Sangma da wan wai u ya ka Nengmandalgre PHC ha Williamnagar hei emlang ka MP Lok Sabha, na Tura Constituency, ka Agatha K Sangma, ki MLA u Marcuise Marak, u Jim Sangma wa kiwi kiwi. 

Hapoh ka Group-I, da pynlait T. 2,60,66,181, heiwa i kreh kynthup i ya ka yung (Building), i pynpoi umkor wa i riñ bodriñ chapoh yung, katwa ka Group II heiwa da pynlait T. 3,21,97,098 wow chna ya 2 tylli ki M.O. Quarters, i yung 2 mala wa 4 tylli ki Quarter ya ki wakreh wa 2 tylli ki Grade IV Quarters wa kjwi kiwi.

U Conrad da ong u wa ka Nengmandalgre PHC toh neibynta ki paidbah ka thaaiñ heiwa i kreh man i kam chibynta yong ka thong krehkaam ka sorkar MDA wei kani ka PHC daw chakri ko ya ki paidbah ki chnong wa em cha chiliang ka wah Simsang kamjooh leh ya ka chnong Williamnagar. 

Da pynkynmoo u leh wa ha u 2020 ka sorkar da rai ko wow pynmiat ya ki thaw sumaar ha kylleiñ ka jylla deiwa pynlut T. 75 klur ha ki PHC wa CHC.

Chooh chooh hajrong i yarap na ka sorkar pyrdi, u Conrad da ong u wa da pynlait T. 500 klur da ka 15th Finance Commission wa T. 350 klur da ka World Bank iwa daw yarap bha i ya ki thaw sumaar ha ka jylla.

Neiliang ka Agatha K Sangma da pyntip ko wa i pynku ya ka Union Health Budget da T. 10000 klur ha uni u snem daw yarap bha i ya ki thaw sunaar wa em ha Ri-loom Garo deiwa yaroh leh ya u montri rangbah yei sñiawkhia u ya ki paidbah. 

Ha kani ka sngi da yoh leh i klam na u MLA ka Williamnagar u Marcuise Marak. 

Share this:
Previous

Jop ka EJH waka NGH haka Inter-District U-23 Men’s Cricket Tournament

Next

Booh yurim u Conrad wow chna ya 2 tylli ki sarok ha Ri-loom Garo