15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Jop ka EJH waka NGH haka Inter-District U-23 Men’s Cricket Tournament

Advertisement ad1
Advertisement ad1
Advertisement ad1

Ka East Jaintia Hills da jop ko da 104 Run yaka All Jaintia Cricket Association ha Nongpoh ynne ka sngi, katwa ka North Garo Hills da jop ko yaka South Garo Hills da chi Innings wa 105 Run ha Mendipathar haka Inter-District U-23 Men’s Cricket Tournament wa pynman daka Meghalaya Cricket Association.

Deiwa pteiñ na iwa ieh ki ynnin ka sngi haka Innings wa ar haka Zone 1 da 35/2, ka EJH da dooh lut ko ya ki Wicket deiwa kamai 144 Run, iwa mut wa da booh thong yaka AJCA 235 Run yow jop haka sngi wa ar kawa man leh ka sngi khaddooh. U Passang Sherpa da kamai boon dooh u da 35 Run tangwa da chah ksoh ki ha kiwa kawang bol kitæ u Nehlang Pariat (3/18) wa u Daowam Passah (3/28).

Advertisement ad1
Advertisement ad1

Ka AJCA hei kdong ko yaka thong da ye ko wow yoh 130 Run donhi iwa tam ya iwa kamai ko haka Innings wa nyngkong iwa yoh ki 74 Run ynnin ka sngi. U Dathrangki Pariat da kamai u 35 Run katwa u Sherpa da yoh u 3/13 yow pynjop yaka EJH.

Ha kawi won ka yalehke haka Zone 2, ka South Garo Hills da pteiñ ko yaka Innings wa ar na iwa ieh ynnin da 59/6, deiwa emkaam sa 142 Run yow phah Bat biang yaka NGH. Ka SGH ynne da ye ki wow kamai sa du 37 Run iwa mut da kamai ki waroh 96 Run. Na kiwa kawang bol, u Gilseng Momin da yoh u 5/13 katwa u Tengsuang G Momin da yoh u 3/17.

Share this:
Previous

Phah ka RTA ya kiwa kamai Taxi wow wan chim yaka thup bai kari

Next

Wai u Conrad ya ka Nengmandalgre PHC ha Williamnagar kawa T. 5 klur tam