Shillong: Hadien kamwa 48 snem wa sdang ya ka Meghalaya Public Service Commission ha ka 22 Naikhynde 1972, kani ka Commission kattu u sdang krehkaam noh ko na ka yung wa pura yong ka hi.
Kani ka yung thymme da chna ya ka ha Lower Lachumiere, Shillong, wei da wan wai ya ka da u montri rangbah ka jylla, u Conrad K. Sangma hei emlang u Chairman, MPSC, L.M. Sangma, Chief Secretary, Govt. of Meghalaya, M.S. Rao wa Addl. Chief Secretary, Govt. of Meghalaya, R.V. Suchiang.
Ha kani ka sngi da em ka yalang wa duna bha kiwa chimbynta neidaw wa haap bood ya ki kyndon wow yakhun ya ka khlam u COVID-19.
Neiliang u Conrad hawa e yei klam da yaroh u ya kiwa emkti wow chna pyndep ya kani ka yung wei deiwa em kani ka yung thymme daw ye bha ka MPSC wow chakri ya ka jylla.
U Conrad da ong u leh wa emkaam leh wow pynemkaam ya ki stat ka juk katni khnang wa ka MPSC u ye chooh chooh ko wow krehkaam hok.
Da ong u leh wa deiwa pynemkaam ya ki stat ka juk wa katni, ki paidbah ym emkaam de wow lai luti ki na jngai wei ki Video Conferencing leh daw yarap bha ki lada emkaam wow leh Interview.
Chooh chooh ka sorkar da kreh ko wow pynjanai ya i chakri ki MPSC Cell kam ha Tura, Jowai, Nongstoin, Nongpoh, Williamnagar wa Baghmara kamjooh leh wow chna pyndep noh ya ka MPSC Office ha Tura.
Discussion about this post