U Montri Rangbah ka jylla, u Conrad K. Sangma hei emlang u Pyniaid Sing Syiem, MLA ynne da wai u yaka Jackfruit Techno Incubation Centre (TIC) ha Institute of Hotel Management, Mawdiangdiang, Shillong.
Ka TIC ha IHM, Shillong toh kawi na ar tylli ki Incubation Centres hapoh ka Mission Jackfruit wa da chna da ka sorkar jylla heiwa ka sorkar daw chna ko leh kawi ka Techno Incubation Centre ha College of Community Science, CAU, Tura.
Ka Mission Jackfruit toh kawa da sdang ha u 2018 ka wow kreh neibynta san snem lyngba ka Directorate of Food Processing.
Ha kani ka sngi u Conrad da ong u wa kini ki Mission ka sorkar da mang ki wow yarap ya ki warep wei wow pynku ya i yoh i laa yong ki.
Da ban joor u leh heiyatoh wa i kaamram kiwa seiñkreh na ki kaam rep heiwa daw yarap wow pynjanai ya i rukom pynlai yaw ya ki mar yong ki heiwa da khana u wa da angnood wow pynyabi yei rukom pynkreh ya ki kreh waphær waphær ka sorkar deiwa krehlang chirup khnang wow poi ha ka thong wow myntoi ki warep.
Da pynchpur u leh ya ki dukan dai baam (Eateries & Restaurants) wow chim ya ki mar wa yoh na ka jylla wow myntoi ki warep.
Kiwi kiwa klam ha kani ka sngi kynthup ki ya u Chairman, Meghalaya Farmers’ (Empowerment) Commission, u K.N. Kumar, u Pyniaid Sing Syiem wa kiwi kiwi.
