Williamnagar: U Montri Rangbah ka jylla u Dr. Mukul Sangma da ong u wa ym ye u pynsepai ya ka mynried ki khynnah kamtæ emkaam wow mih noh ki na i pyrkhat yongrim heiyatoh waka puræ puthi ha ki thaw puræ sorkar wei da ong u leh waka tnat puræ puthi daw wanrah ko ya i rukom sikai heiwa ym emkaam de wow kyrriah ya kiwa sikai.
Da ong u yeini kam u kongsan ha ka yalang wow wai ya ka Science Stream kamjooh ya ka yungthymme (additional building) ka Williamnagar Government College hei emlang ka MLA & Minister for School Education & Literacy, ka Deborah C.Marak wa kiwi kiwi de ynne ka sngi.
Yow ye u thap rap boon ki khynnah puræ hapoh ka District u chna sa 5 tylli ki kamra wa da chna da ki “Assam-type” kawa chong dor T. 34 lakh hapoh ka Chief Minister’s Special Urban Development Fund. Da wan leh 31 ngut kiwa puræ ha kani ka Science Stream.
U Montri Rangbah da ong u wa du kiwa sikai wa hun wow kreh du chithaw ye ki wow thap kreh yow lait ki u paan won ya ka Transfer hadien kattu katni por.
Kamtæ ka sorkar jylla da mang poisa 125 Million Dollar hapoh ka Human Capital Development Programme ka wow yarap pynku kyrdan ya ki skur wa katni kamjooh leh kani ka poisa leh u pynku ko yei sap kiwa sikai wei u yarap ya ki khynnah leh deiwa wanrah ya ki stat sayan wa katni yow ye ki khynnah wa na nongkyndong wow yaleh wa kiwa na sor.
Da ong u leh wa ya kiwa puræ Class 11 wa 12 neidaw wa man ki kiwa hapoh 18 snem haap pyn yaphær noh ki deiwa yabhah noh ki wa ki College.
Ka Williamnagar College toh kawa da sdang nadooh ka 6 tarik u Naisan (May) 2000 da kiwa chong chnong heipor wa u D.P.Wahlang man u kam u Deputy Commissioner of East Garo Hills. Da chimkti ka sorkar ya ka ha u snem 2009 wei da pynbna ya ka kam ka Government College ha u snem 2011.
Discussion about this post